Kabanata 006

Juhandi Cruz?

Napakunot-noo si Yunifer nang marinig ang pangalan. Ang hot topic na aktor na laging trending sa social media, lalo na’t may upcoming teleserye. Pero ang pinaka-highlight? Ang napaka-dramatikong breakup nito sa long-time girlfriend na dating ka-love team. At kahit kaliwa’t kanan ang chismis na isa raw itong certified cheater, parang mas lalo lang siyang sumisikat. Well, welcome to the Philippines—kung saan kahit ang pinakamatindi mong kapalpakan, ay nagiging topic lang ng memes.

Natigilan siya sa pagninilay-nilay at muling ibinaling ang atensyon kay Arkin, na ngayon ay pinipigilan ang ma-inis habang nakatingin sa kanya. Halata ang iritasyon nito, pero tila napapalitan ng kalituhan sa harap ng kanyang ngiting punong-puno ng pang-aasar.

“This woman…” tahimik na usal ni Arkin sa sarili. Ang presensiya ni Yunifer ay parang isang nakaka-irita pero interesting na puzzle. Kung ang ibang tao ay nanginginig na sa takot sa harap niya kahit hindi pa siya nagsasalita, si Yunifer? Ngingiti lang na parang sinasabing “E ano ngayon?”

"Do I look like a joke to you?" tanong ni Arkin, puno ng pagpipigil. "The truth is, I don’t care about that guy, Juhandi. I didn’t even know who he was the first time I saw him kissing my ex-fiancée... not until I Googled him." Bahagya siyang ngumiti ng masama, pilit pinapakita ang kanyang superiority. "He’s just some cheap actor who uses his lame acting skills to survive. And Zandreah? She’s a woman who was impossible to sway, even for me. Then suddenly... siya na? Isn’t that just what girls want nowadays? Someone who’s below their league?”

Nilingon ni Arkin si Yunifer, at doon lang niya napansin ang subtle na tiklop ng kilay nito. Kung may intimidation man siyang nararamdaman, hindi halata. Ang mas malala, parang aliw na aliw ito sa kwento niya.

"So, gusto mong sabihin na pareho kami ng ex-fiancée mo? Hah! Excuse me, hindi ‘no!” sabay nguso ni Yunifer, sabay atras para makalayo nang kaunti kay Arkin. "At saka, hindi ko type ang Juhandi na ‘yan. Kahit ilang beses ko pa siyang nakita nang personal, wala akong makita sa kanya!"

Natigilan si Arkin. Wait, ilang beses na niyang nakita? "You’re a liar," umiiling niyang sagot. "And how... how the fuck have you met him ‘countless times’? What are you, some die-hard fan who barges into tapings just to see your idols?”

"Huh? Excuse me, hindi ako mahilig sa mga TV dramas, okay? At FYI, graduate ako ng Fine Arts, major in Theater. Pag-aartista ang gusto kong maging propesyon. May problema ka ba doon?"

"Fuck... she’s even worse than I thought." mahina niyang bulong habang napapailing.

"Ano?” mabilis na usisa ni Yunifer, kita sa mukha ang kunwaring pagtataka.

Napabuntong-hininga si Arkin. Ramdam niya ang unti-unting pagtaas ng tensyon sa pagitan nila. Hindi niya alam kung bakit pero tila ba ang babaeng ito ay may kakaibang talento—ang uminit ang ulo niya habang siya mismo’y hindi makalaban ng todo. Gusto niya itong paalisin, pero parang siya pa ang naiipit sa sarili niyang diskarte. Tumikhim siya at bahagyang inayos ang kwelyo ng polo, pilit pinapakalma ang sarili."Okay, so what’s your name again?”

"Yunifer," nakataas ang kilay nitong sagot, parang tinatanong kung bakit ang hina ng memorya niya.

"Yunifer. Look, I don’t know how much money my father paid you, but I don’t need an actress to make my ex jealous. And for the record, I don’t want her back. So, please, this is a request… or maybe even a plea: get out of my house and never come back."

Naroon lang si Yunifer, tahimik sa umpisa habang pinapanood ang masungit na anyo ni Arkin. Alam niyang pinipilit nitong magmukhang kalmado, pero kitang-kita niya sa bawat galaw nito ang iritasyon at pagkalito. Ang galing niyang magpanggap na hindi siya affected, bulong niya sa sarili, pero halata naman.

Hindi siya agad sumagot. Imbis na tumalikod o umalis, marahan niyang hinubad ang suot niyang apron, sinadya pang tiklupin ito nang maayos para lang lalo pang mairita si Arkin. Nilingon niya ito, sabay inayos ang buhok niya na parang wala siyang pakialam sa tensyon sa pagitan nila.

"Ay, nako," simula niya, sabay malalim na buntong-hininga. "Drama mo naman." Hindi niya naiwasang mag-roll ng mata habang nagsasalita.

Kitang-kita niya ang pagbabago ng ekspresyon ni Arkin. Para bang hindi ito makapaniwala na kaya siyang kontrahin ng isang tulad niya. Sa totoo lang, natatawa siya sa sarili. Sino ba naman ang hindi? Eh sa bigat ng presensya ni Arkin Andres, isang babaeng gaya niya ang nangahas na magbiro nang ganito. Kung ibang tao siguro ‘to, baka pinalayas na niya.

"Ang totoo, nasa denial stage ka pa rin," dagdag niya habang diretso ang tingin sa kanya. Hindi siya natatakot, kahit na sa tingin niya ay puputok na ang ulo nito anumang oras.

Bahagyang umangat ang kilay ni Arkin, pero nanatili itong tahimik, waring hinihintay ang susunod niyang sasabihin. Kaya naman, lalo niyang siniguro na tatamaan ito sa mga salita niya.

"Malinaw pa sa sikat ng araw, nasaktan ka talaga sa ginawang panloloko ni Zandreah," aniya, sa mas mahinahon ngunit matatag na tono. Pinanood niya ang bahagyang pagngiwi ng labi ni Arkin, pero hindi ito tumugon.

Nagpatuloy si Yunifer, siniguradong may dagdag na asim sa mga salita niya. "Ano ba kasing pumasok sa utak niya na magloko… at doon pa sa Juhandi na napakarami nang naging side chick?"

Binalingan niya ulit si Arkin, na ngayon ay parang hindi malaman kung sasagot o mamngunguyom sa galit. May bahagya itong namutawi sa labi, pero hindi ito nagtuloy. Is this working? naisip ni Yunifer, sabay simpleng ngiti sa sarili.

Sa totoo lang, hindi niya alam kung saan nanggagaling ang tapang niya, pero ang saya sa pakiramdam na makitang hindi ito makasagot. Bihira lang siguro mangyari sa isang tulad ni Arkin na may pumipigil sa yabang niya, at mas bihira na babae pa ang gumagawa nito.

"Sabihin mo nga," dagdag pa niya, pilit na pinapakalma ang tinig. "Anong meron sa Juhandi na ‘yon na wala sa’yo? I mean, really? Maliban sa pagiging ultimate ‘bad boy’ na sinusubaybayan ng madla, ano pang angas meron siya? Kasi kung ako si Zandreah—pero syempre hindi ako ganon kababaw—hinding-hindi ko ipagpapalit ang isang Arkin Andres sa isang... well, hamak na side chick magnet."