CHAPTER 92

INIRAPAN lamang ni Elena si Natalia nang masalubong niya ito sa loob ng mansion ni Matt saka dirediretsong pinuntahan ang binata sa kuwarto nito.

“Matt. . .” nag-aalalang sabi niya nang makita ito. Walang kangiti-ngiting tiningnan siya nito.

“Kapag nalaman kong may kinalaman ka dito, alam mon a siguro kung anong gagawin ko!” Banta nito sa kanya.

“Hey, pinagbibintangan mo ba ako? Sa palagay mo magagawa kong ipabaril ka? Matt, alam mong ‘yan ang pinakahuli kong gagawin!”

Hindi ito kumibo.

Nilapitan niya ang lalaki, “Sa dami ng kaaway mo sa negosyo. . .at sa dami ng mga naiinggit saiyo, ako pa talaga ang pinaghihinalaan mo?”

“Hindi ako ipinanganak kahapon, Elena. Alam ko kung paano ka maglaro makuha mo lang kung ano ang gusto mo!”

Nasaktan siya sa sinabing iyon ng lalaki. Oo may kinalaman ang ama niya kung bakit nasuspende ang operation ng planta nito sa Cebu ngunit kahit na kailan ay hindi siya haha