CHAPTER 95

“DAD, WHAT THE HELL IS THIS ALL ABOUT?” Sita ni Elena sa ama nang makarating sa kanya ang balitang may kinalaman ito sa pamamaril kay Matt, “Totoo bang may kinalaman ka sa nangyari kay Matt?”

“Fake news ‘yan!”

“Dad, hindi sinasadyang narinig ko ang pakikipag-usap mo sa isa sa mga tauhan mo. Inutusan mo siyang takutin si Matt. Dad, what if hindi nakailag si Matt? Muntikan mo na siyang mapatay, Dad. At hindi ko kayo mapapatawad kapag may nangyaring masama sa kanya!”

“Sana nga pala sinabi ko sa tao kong tuluyan na ang lalaking iyon para magising ka na sa katotohanan, Elena!” Anang Daddy niya, ibinalik na ang atensyon sa binabasang mga papelis.

“Dad, kapag may nangyaring masama kay Matt, kalimutan nyo na lang na anak nyo ako!” Babala niya sa ama saka nagmamartsang lumabas ng opisina nito. Hindi niya talaga mapapatawad ang kanyang ama kapag pinatay nito si Matt. Hindi naman lingid sa kaalaman niyang marami-rami na ring naipapatay ang Dadd