CHAPTER 113

INIS NA tinapos na ni Matt ang pagkain at tumayo, “Babayaran na ni Rigor ang lahat ng ‘yan, kung tapos ka na, magpahatid ka na sa driver,” malamig ang tonong sabi niya kay Natalia saka mabilis na itong iniwan sa restaurant.

Nayayamot siya rito. Bakit kailangan pa nilang pag-usapan ang nararamdaman nila para sa isa’t-isa? Hindi siya ipinanganak kahapon para hindi malaman kung ano ang tunay nitong motibo sa kanya.

At papaniwalain pa siya nitong mahal siya nito?

Inayos niya ang kanyang suot na necktie saka napapailing na bumalik na sa kanyang opisina. Malapit lamang iyon sa restaurant na pinagkitaan nila ni Natalia kaya nilakad lamang niya pabalik duon.

Napapailing siya habang inaalala ang mga sinabi nito sa kanya. Napaismid siya. Mahal? Kalokohan!

At kung sakali mang totoo iyon, hindi siya tanga para magmahal. Wala iyon sa kanyang bukabularyo. Kaya naiinis siya kapag ganito ang nagiging usapan nila ni Natalia. Hah, ano