CHAPTER 114

TALAGANG hinintay ni Natalia na makarating sa bahay si Matt para makausap ng masinsinan. Pagkatapos nilang maghapunan ay pinuntahan niya ito sa kuwarto nito para makapag-usap sila nang walang ibang makakarinig sa kanila.

Medyo naasiwa pa siya nang hubarin nito ang suot na polo shirt kaya umiwas siya ng tingin ditto. Napansin naman ni Matt ang pagka-awkward niya, bahagya itong napaismid, “Don’t act as if walang nangyayari sa atin,” patuyang sabi nito sa kanya.

Napalunok siya saka matuwid na humarap ditto, ewan ba niya kung bakit kahit ang lakas ng aircon sa kuwarto nito ay pinagpapawisan siya.

“Ayokong lumaki sa ganitong environment ang magiging anak ko. K-kung hindi mo ako kayang mahalin, pwede bang palayain mo na lang ako?” Nakikiusap na sabi niya rito, “Hayaan mo na lang akong bumalik sa bahay namin.”

“At sa palagay mo, magandang environment ang kalalakhan ng bata sakaling bumalik ka sa inyo?” May sarcasm sa tonong sabi nito sa kany