CHAPTER 118

“IHA, may dinaramdam ka ba?” Tanong ni Mang Oliver sa anak nang mapansin niya ang pananamlay nito habang nakaupo sa may veranda. Mag-dadalawang Linggo na ito sa bahay at magpahanggang ngayon ay hindi pa rin ito ipinasusundo ni Matt. Nagsawa na ba ang lalaking iyon sa kanyang anak?

Iling lamang ang isinagot ni Natalia sa kanya. Hindi naman niya ito masisisi kung hindi ito sanay mag-open up ng mga problema sa kanya. Ano ba ang nagawa niyang maganda para dito? Kung tutuusin, siya ang puno’t dulo ng lahat ng mga paghihirap na pinagdadaanan ng kanyang anak.

“Kasalanan kong lahat ito. Hindi ako nagging mabuting ama sa inyong lahat kaya nagkakaganito ang buhay natin.”

“Papang, ilang beses ko bang sasabihin sa inyo na kalimutan na nating lahat iyong mga nangyari nuon. Ang mahalaga, natuto tayong lahat sa ating mga pagkakamali,” sabi ni Natalia sa kanya.

Ngunit hindi pa rin niya maiwasang hindi makaramdam ng guilt. Hindi na siguro niya