CHAPTER 126

“ATE, kung hindi dahil kay Matt, hindi magbabago ang buhay ko kaya nalulungkot akong malaman na naghiwalay na pala kayo,” malungkot na sabi ni Girlie kay Natalia nang malaman nito ang nangyari sa kanila. Nasa veranda silang dalawa ng kanilang bahay at masinsinang nag-uusap habang natutulog na ang kanilang Papang at mga kapatid.

May pait sa mga labing napangiti siya, “Kahit paano ay masaya akong may magandang kinahinatnan ang pagkakakilala namin ni Matt.” Halos paanas lang na sabi niya kay Girlie.

“Oo nga pero nasasaktan akong malamang hindi rin nagtagal ang pagsasama ninyo dahil sigurado ako ate, minahal ka ni Matt.”

Napailing siya, “Ginamit lang niya ako para pasakitan si Papang.”

“Ate, tinulungan nya akong magbago. Kami ni Nathan. Palagay mo, kung ang intension nya kaya ka nya pinakasalan ay para pasakitan si Papang, bakit nya kami tinulungan?”

Hindi siya nakasagot. May point rin naman si Girlie. Bakit nito tinulungan a