CHAPTER 132

PAKIRAMDAM NI NATALIA ay isa siyang kandila na unti-unting nauupos sa maiinit na mga halik na iyon ni Matt. Kung sa umpisa ay nanlalaban pa siya, ngayon ay kusa na niyang tinutugon ang maiinit nitong mga halik na waring sumasagad hanggang sa kanyang kaluluwa.

Bakit ba pagdating sa lalaking ito, humihina siya?

Bakit baa ng dali-dali lang sa kanyang bumigay kapag ito na ang kaharap niya. God, kahit anong sabi ng utak niya ay di niya kayang paglabanan ang nararamdaman ng puso niya. Mahal talaga niya ito.

Ramdam niya ang pag-iinit ng kanyang mga mata. Parang gusto na namang pumatak ng kanyang mga luha.

Ngunit bago pa sila tuluyang mawala sa katinuan ay biglang may narinig silang mga ingay na papunta sa kinaroroonan nila. Bigla ay para silang binuhusan ng malamig na tubig. Mabilis siyang binitiwan ni Matt.

Hindi siya makatingin dito nang magkahiwalay ang kanilang mga katawan.

“I. . .I’ll go ahead,” nakatungo ang