CHAPTER 131

PAGDATING na pagdating pa lamang ni Natalia ay nakita na ito ni Matt. Kitang-kita rin niya nang magtago ito sa pinakasulok na pwesto dahil sa kanya. Inis na inis nga siya, ganun ba ito kalaki ang galit nito sa kanya para pagtaguan pa siya nito? At sinabi pa nito sa kanya nuon na mahal na siya nito huh? Ang bilis naman yata nitong nakapag-move on sa pagmamahal na ipinangangalandakan nito nuong una sa kanya?

Wala naman talaga siyang balak dumalo sa event na ito kahit na isa siya sa mga share holder ng company kung hindi lamang dahil kay Natalia. Nuon pa niya binabalak na makipag-usap dito dangan nga lamang ay nag-aalanganin siya. Siguro ay dahil takot talaga siya sa salitang rejection. Lalo na ngayong nakita niya kung paano nito sinadyang magtago sa kanya.

Pikon na pikon siya.

Hindi na nga niya sana ito lalapitan pa ngunit ewan ba niya kung anong nagtulak sa kanya para kausapin pa rin ito. And damn, kung maganda na ito nuon ay mas lalo yata it