CHAPTER 140

HINDI NIYA MAARING BISITAHIN SI MATT NGUNIT hindi naman bawal na dalawin niya si Rigor kung kaya’t ito ang naisipang puntahan ni Natalia. Lahat ng paraan ay gagawin niya para lamang makabalita siya ng tungkol kay Matt.

“Ma’m,” sabi ng lalaki na nagulat nang makita siya.

Napaiyak siya, “Mabuti at ligtas kayong pareho,” aniya rito.

Tumango ito, “Pero namatay si Mang Doy,” malungkot na balita nito sa kanya, “Graduation pa naman ng anak nya kinabukasan pero di na siya nakadalo para sabitan ito ng medalya,” pumatak ang mga luha ng lalaki. “Proud na proud pa naman siya sa anak niyang iyon dahil pangarap raw ni Mang Doy maging engineer pero dahil kapos sa pera di na sya nakapag-aral. . .iyong panganay nya sana ang tutupad sa pangarap nyang iyon pero di na nya inabutan.”

Napakagat labi siya. Kahit paano ay nagging malapit rin naman siya kay Mang Doy kaya maging siya ay naghihinagpis sa pagkamatay ng matanda.

“B-Bakit ba kayo humah