CHAPTER 141

“WELCOME back sir,” nakangiting sabi ng katulong na si Vicky nang makauwi si Matt sa mansion ngunit napalis ang ngiti nito nang pumasok si Elena at iutos ditto na dalhin sa kwarto ng binate ang mga gamit nito, “D-Dito kayo titira?”

“Yes kayo ano pang hinihintay mo? Dalhin mo na sa kwarto ni Matt ang mga gamit ko.” Utos ni Elena sa katulong.

Kunot-nuong napatingin si Vicky kay Matt, “Sir, kahit si Ma’m Natalia, hindi nyo pinayagang ilagay sa kwarto nyo ang mga gamit nya?” Nagtatakang sabi nito.

Dumilim ang mukha ni Elena, “Bakit ba ikokompara mo ako sa babaeng iyon? For your information, magpapakasal na kami ni Matt kaya simula sa araw na ito, ditto na ako titira!” Bulyaw nito.

Nagproprotesta ang anyong napatingin si Vicky kay Matt. “Sundin mo na lang siya,” sabi ni Matt sa katulong. Wala siya sa mood para mag-isip ng kung anu-ano. Sa ngayon ang gusto lamang niya ay mabalik lahat ng kanyang memorya dahil nahihirapan na siya.