CHAPTER 122

NANG MAGMULAT ng mga mata si Natalia ay si Matt kaagad ang hinanap ng mga mata niya. Para kasing naamoy niya ang scent nito kanina, at ramdam niyang hinalikan siya nito sa nuo. Ngunit wala ito sa kuwarto, sa halip ay ang Papang niya at si Timothy ang dinatnan niya sa loob ng ospital.

“Kumusta ka na, Nat?” Tanong ni Timothy sa kanya, nakita niya ang piping pananabik sa mga mata nito habang nakatingin sa kanya. Tumayo at Papang niya at namaalam na magpapahangin lang sa labas, siguro’y upang makapag-usap sila ng sarilinan ng lalaki.

Hindi niya sinagot ang tanong nito. Obvious namang hindi maganda ang pakiramdam niya, lalo na at si Matt ang ini-expect niyang makikita niya sa pagmulat ng kanyang mga mata ngunit bakit ang lalaking ito ang nasa harapan niya?

Hindi man lamang ba nag-aalala si Matt sa kalagayan niya? Panigurado naman siyang nakarating dito ang pagkakasakit niya. Bakit talagang wala itong pakialam sa kanya? Ang sakit. Expected na niya