CHAPTER 116

PAGKAGISING ay diretso kaagad ng banyo si Natalia. Bahagya pa siyang nakapikit nang maupo sa toilet bowl.

Nang tumayo ay iinat-inat pa siyang naglakad patungo sa sink para maghilamos at magtooth brush. Ngunit bago pa niya magawa iyon ay nadulas na siya. Napagat labi siya dahil masama ang posisyon ng pagkakabagsak niya. Maya-maya ay napatili siya nang makitang nagdurugo ang kanyang mga binti.

Naisip niya ang mga sinabi niya kay Matt kagabi. Hindi siya seryoso nang sabihin niya rito na gusto niyang ipa-abort ang bata. Parusa ba ito sa kanya ng langit? Nanlalamig siya sa sobrang takot.

Hindi niya mapapatawad ang kanyang sarili kapag may nangyari sa bata.

“Vicky!!! Saklolo!” sigaw niya, maya-maya ay nakaramdam siya ng pagdidilim ng kanyang paningin. Hinawakan niya ang kanyang ulo. Pagtingin niya sa kanyang kamay ay may dugo na iyon. Hindi niya napansing tumama pala sa toilet bowl ang ulo niya. Hindi niya alam kung dala ng takot o