Chapter 5

Pagkatapos noon ay tumingin na si Jane kay Hannah. Kitang-kita sa mukha niya ang hiya na nararamdaman dahil sa ginawa ng kapatid niya kay Hannah.

“Pasensya ka na sa ginawa ng kapatid ko, Hannah. Hindi na talaga mauulit,” sabi ni Jane.

Tumingin si Jared kay Erick.

“Wala kang pakialam, sa susunod na may gawin ka ulit, wala nang tutulong saýo. Naiintindihan mo ba ýon?”galit na sabi ni Jared.

“Sino ka ba? Bakit mo sinasabi ‘to? E kung payag ka na maging bayaw ko, sige. Makikinig ako saýo,”sagot naman ni Erick.

“Erick!”sigaw ni Jane.”

“Ate, gusto ka niya. Kung hindi, bakit ka niya sasamahan mula araw hanggang gabi para lang bantayan ka?” sabi ni Erick.

Dahil sa sinabi ni Erick ay naging malinaw ang lahat para kay Hannah. Kaya pala ilang gabing wala si Jared sa tabi niya ay dahil kasama nito ang babaeng nasa harapan nila ngayon. Kung sabagay, asawa siya ng kapatid ni Jared, kaya kailangan talaga na alagaan siya ni Jared.

Pero kailangan ba talagang araw-araw niyang alagaan si Jane kahit na alam nilang may ibang tao na hindi maiintindihan kung anong sitwasyon ang meron sila?

“Ano ýang pinagsasabi mo? Puro walang kwenta,”sabi ni Jane kay Erick at hinampas na naman niya ito.

Natakot si Erick dahil sa ginawa ni Jane. Dahil sa takot ay tinaas niya ang kamay at napaatras siya. Sa kabilang banda ay naramdaman ni Hannah na parang may tumulak sa kanya. Nagulat na lang siya nang makita na nasa tabi na ni Jane si Jared at alalang-alala ito kay Jane. Halos yakap na niya ito.

“Jane, anong nangyayari saýo? May masakit ba? Saan?”may pag-aalalang tanong ni Jared.

“Ah, ang sakit ng tyan ko, Jared,” nanghihinang sagot ni Jane, labis ang pagkakahawak niya sa braso ni Jared.

“Huwag kan mag-alala, dadalhin kita sa ospital. Huwag kang matatakot ha?” sagot ni Jared, natataranta na.

Parang isang puno si Hannah noon, nakatayo lang sa isang tabi. Aminado naman siya na nakita na niya ang iba’t ibang ugali ni Jared, pero noon niya lang ito nakita na ganoon mag-alala. Sa ibang babae pa at hindi sa kanya.

“Hannah, ikaw ang magmaneho ng sasakyan!” sigaw ni Jared kay Hannah.

Nakatayo pa rin si Hannah noon. Hindi maproseso kung ano ba ang nangyayari.

“Bilisan mo, kapag may nangyari sa kapatid ko, ikaw ang sisisihin ko!”sigaw ni Erick kay Hannah, hila-hila na niya ito at nagmamabilis.

Nang hawakan si Hannah ni Erick ay doon lang siya kumilos. Galit siya kay Erick at sinampal niya ito.

“Huwag mo akong hahawakan,”may diin na sabi ni Hannah.

Kitang-kita ang latay sa pisngi ni Erick nang sampalin siya ni Hannah. Hindi makapagsalita si Jared, lalo na si Erick. Takot na takot siya kay Hannah. Hindi niya siguro inaasahan na gagawin iyon ni Hannah sa kanya. Pero ilang minuto lang ang nakakalipas ay nagsalita na naman si Erick.

“”Ang baho mong babae ka.”

Agad namang sumagot si Jared.

“Erick, ano ba?! Tigilan mo na nga siya. Isa pang beses na may gawin ka sa kanya, ako na ang magpapasok saýo sa kulungan!”galit na sabi ni Jared.

Gumana naman ang pananakot ni Jared kay Erick. Tumingin muna siya nang masama kay Hananah pagkatapos ay inis niyang inayos ang sarili pero matalim ang mga tingin niya kay Jared.

“Erick!”sigaw ni Jane pagkatapos ay nakaramdam na naman ito nang pananakit sa tiyan.

“Ang sakit ng tiyan ko, pakidala na ako sa ospital. Bilis,”mahinang sabi ni Jane, nakahawak pa rin siya sa kanyang tiyan.

“Hannah1”sigaw ni Jared.

Nang sumigaw si Jared ay pumasok na agad ng kotse si Hannah. Mabilis niyang pinatakbo ang sasakyan. Kitang-kita ang pag-aalala ni Jared kay Jane.

“Doc, buntis po siya. Nalaglag po siya kanina tapos sumakit na po ang tiyan niya,” tarantang sabi ni Jared.

Nang marinig ýon ni Hannah ay napatigil siya. Hindi na niya magawang sundan sina Jane at Jared dahil sa kanyang narinig. Parang sumabog na ang kanyang puso. Patay na ang asawa ni Jane kaya paano ito mabubuntis? Naisip ni Hannah na baka anak iyon ni Jared kaya ganoon na lang siya ka-nerbyoso.

Dinala na sa emergency room si Jane, naiwan si Jared at Hannah sa labas. Hindi naman close sina Hannah at Jane kaya hindi niya masabi na nag-aalala siya sa kalagayan nito. Tiningnang mabuti ni Hannah si Jared, panay lang ang tingin nito sa emergency room. Ni hindi na nga yata niya alam na nasa tabi niya si Hannah, ang kanyang fiancée. Nang makaipon ng sapat na lakas ng loob si Hannah ay tinanong na niya si Jared.

“Sayo ba ýong bata?” may nerbyos sa kanyang boses nang tinanong niya si Jared.

Ayaw nang mag-isip ni Hannah kaya dineretso na niya ang pagtatanong kay Jared, nagulat naman si Jared dahil sa tanong ni Hannah. Humarap siya sa kanyang fiancée at sinagot ang tanong nito.

“Ha? Ano bang pinagsasabi mo? Naiwang anak ýon ni Lyndon,” may inis sa boses ni Jared.

Si Lyndon ang namatay na kaibigan ni Jared. Namatay ito sa isang aksidente. Isang buwan na ang nakakalipas.

“Pinagkatiwala ni Lyndon sa akin si Jane, okay?” paliwanag ni Jared kay Hannah.

Naalala ni Hannah ýong panahon na umuwi si Jared sa kanila noong araw na nawala si Lyndon. Sobrang gulo ng buhok at sobrang haba ng balbas nito. Para bang nakatakas siya sa bundok. Doon naisip ni Hannah na kailangan talagang alagaan ni Jared si Jane.

Sinisisi niya ang kanyang sarili sa mga naisip niya tungkol kay Jared at Jane. Alam niyang mali iyon at nagsisisi na siya. Kinuha naman niya ang braso ni Jared at nagpaliwanag sa kung anong nangyari sa kanila ni Erick.

“Hindi ko naman talaga hinawakan ang loko-lokong bata na iyon. Kung anu-ano lang ang sinasabi niya sa akin kanina.”

“Hindi ka na pwedeng uminom simula ngayon,” sagot ni jared at pinisil ang pisngi ni Hannah.

Sasabihin sana ni Hannah na napa-inom siya ng konti pero bago pa niya masabi iyon ay bumukas na agad ang pinto ng emergency room. Lumabas ang doktor.

Lumapit siya kay Jared at deretsong sinabi na kailangan niyang pumirma ng waiver. Kinuha ni Jared ang ballpen mula sa doktor pero bago niya pirmahan ang waiver ay nagtanong siya.

“Doc, kamusta na po ang sitwasyon niya ngayon?”

"Pwedeng malaglag ang bata sa sinapupunan niya. May mga gagawin lang kaming tests pero, baka hindi maging tagumpay ang operasyon kaya kailangan mong pumirma ng waiver,” pagtatapat ng doktor kay Jared.

“Doc, gawin niyo po ang lahat para maging maayos siya,” nagmamadaling sabi ni Jared.

“Oo naman, kaya pumirma ka na,”sagot noong doktor.

Mabilis na pinirmahan ni Jared ang waiver at binigay ito sa doktor.