Chapter 7

“Mommy, Daddy!” bati ni Jared sa kanyang mga magulang.

“Tito, Tita!” bati naman ni Hannah.

“O, kumain na ba kayo? Aba, kung hindi pa, meron naman akong tinirang pagkain para sa inyo roon,” sabi ni Emelda, ang nanay ni Jared.

“Kumain na ako, ikaw ba? Gutom ka pa?” sagot ni Jared pagkatapos ay tiningnan si Hannah para tanungin ito.

“Hindi naman ako gutom,” sagot ni Hannah pero ang totoo ay wala pa talaga siyang kinakain simula kaninang umaga.

“Ah, ganoon ba? Sige, dadalhan ka na lang ni Aling Miding ng gatas mamaya. Pwede ka nang magpahinga sa taas,” sabi ni Emelda kay Hannah.

“Salamat po, Tita. Hindi naman na po kailangan pero salamat pa rin po,” sagot naman ni Hannah at pumanhik na sa taas.

Pag-akyat ni Hannah, hindi niya alam kung namamalikmata lang ba siya o ano dahil nag-iba na ang itsura ng kwarto nila. Agad naman siyang napatanong kay Jared noon.

“Anong meron? Bakit parang ang ayos na ng kwarto? Saka, bakit nandito ang mga gamit mo? Di ba, may isa pa namang kwarto?” walang tigil na tanong ni Hannah kay Jared.

“Hindi ko alam. Ang alam ko rin iba ang kwarto ko sa kwarto mo. Ganoon naman lagi, di ba?” pagtataka rin na tanong ni Jared.

Dahil narinig sila ni Emelda ay pumanhik ito sa taas para kausapin sila. Pinaliwanag niya kung bakit ganoon na ang itsura ng kwarto ni Hannah. Hindi kasi nagpaalam si Emelda sa dalawa na ganoon ang gagawin niya.

“Ah, simula ngayon ay dyan na matutulog si Jared sa kwarto mo kaya nandyan din ang gamit niya, iha. Ayos lang naman iyon saýo, di ba?” sabi ni Emelda.

“Mommy, bakit may ganito pa? Aalis din naman kami rito kapag kinasal na kami, di ba? Nag-abala pa po kayo,” sagot ni Jared sa kanyang ina.

“Aba, kapag ba umalis na kayo rito, ibigsabihin ba noon ay hindi na kayo bibisita man lang? Hindi ba kayo bibisita sa amin sa pasko o di kaya ay bagong taon? Ayos na iyan, ikakasal na rin naman kayo anak e, ha?” sagot ni Emelda.

“Bibisita naman po, Mommy,” maikling sagot ni Jared.

Tumingin si Emelda kay Hannah saka niya ito tinanong kung hindi ba siya payag na magtabi sila ni Jared.

“Hindi ka ba payag sa ideya ko, iha?”

Sa moment na iyon ay parang natigilan si Hannah. Hindi siya makasagot sa Tita Emelda niya sa di malamang dahilan kaya si Jared na ang sumagot para sa kanya. Ayaw din kasi ni Jared na pinaghihintay ang kanyang ina sa isang simpleng sagot lang.

“Okay na sa amin, Mommy. Tama ka, ikakasal naman na kami kaya ayos lang ito.”

Tiningnan ni Jared si Hannah at sinenyasan ito na humalik na sa pisngi ng kanyang ina para makapasok na sila sa loob ng kwarto. Iyon naman agad ang ginawa ni Hannah.

“Goodnight po, Tita,” sabi ni Hannah pagkatapos ay humalik sa pisngi ni Emelda.

Ganoon rin naman ang ginawa ni Jared.

“Mommy, good night po.”

Pagkatapos sabihin ni Jared iyon ay hinila na niya si Hannah papasok ng kwarto at nagpaalam sa kanyang ina. Pagkasara ng pinto ay ramdam na ramdam nila ang awkwardness na nakapalibot sa loob ng kwarto. Nakakabingi ang katahimikan nilang dalawa.

Tumingin sa paligid si Hannah, pansin niya na talagang nag-effort si Tita Emelda na ayusin ang kwarto. Bago ang beddings, ang bango at ang aliwalas ng kwarto. Para ngang kinasal na sila sa sobrang bongga nito.

Hindi napigilan ni Hannah na kiligin dahil sa nakita pero hindi niya iyon pinahalata kay Jared. Nagpaalam siya rito para maapagpalit ng damit sa banyo.

“Ah, Jared. Dyan ka muna ha? Magpapalit lang ako ng damit ko.”

Kakalas n asana si Hannah sa hawak ni Jared pero hindi iyon nangyari. Mas lalo lang lumapit si Jared kay Hannah. Nagtagpo ang kanilang mga mata at halatang uhaw na uhaw si Jared sa mga halik ni Hannah.

“Teka, anong ginagawa mo? Jared-“ hindi na natapos ni Hannah ang kanyang sasabihin dahil tuluyan na siyang hinalikan ni Jared.

Unti-unti nang inangkin ni Jared si Hannah. Hinawakan niya ito sa braso papunta sa likod ng kanyang leeg. May parang kuryente tuloy na dumaloy sa katawan ni Hannah. Hindi siya makapaniwala na ganito siya hinalikan ni Jared.

Oo, hinahalikan naman siya ni Jared. Pero, iba ang istilo ni Jared ngayon, mas mapangahas kaysa dati kaya hindi malaman ni Hannah kung ano ang gagawin.

Dahil nga hindi na mlaman ni Hannah ang gagawin ay may binulong si Jared sa kanya na lalong nagpanginig sa buong pagkatao niya.

“O, okay ka lang ba? Relax ka lang.”

Pagkatapos sabihin iyon ni Jared ay hiniga niya sa kama si Hannah at doon hinalik-halikan. Lalo pang kinabahan si Hannah nang tanggalin ni Jared ang botones ng kanyang damit. Kitang-kita ni Hannah kung paano naging agresibo si Jared sa kanya.

Dahil iyon nga ang unang pagkakataon na may mangyari sa kanila ni Jared ay ramdam na ramdam niya ang pintig ng puso ng kanyang fiancé. Pakiramdam niya ay iyon din ang unang beses na susubukan iyon ni Jared.

Agad na sinara ni Hannah ang kanyang mga mata, hinihintay na lang niya kung ano man ang gagawin ni Jared sa kanya. Lalo pa siyang kinilabutan nang tanggalin na ni Jared ang kanyang damit. Nang simulan na ni Jared na halikan siya sa kanyang leeg ay bigla namang nag-ring ang cellphone ni Jared.

“Jared,” nakayakap pa rin si Hannah kay Jared noong mga oras na iyon.