Chapter 4

Hindi makapaniwala si Hannah sa mga sinabi noong bata. Si Jared lang ang lalaking gusto niyang hawakan, hindi ang isang batang lalaking katulad niya. Si Jared nga, hindi niya mahawakan, ‘yong iba pa kaya? Napailing na lang si Hannah sa sobrang inis.

Bago pa man siya tanungin ay humindi na agad si Hannah.

“Hindi ko siya hinawakan sa kahit anong parte ng katawan niya. Nakasalubong ko lang siya at aksidenteng nasagi pero hindi ko intensyon iyon.”

“Lasing ka ba?” tanong noong pulis kay Hannah.

Sa mundong ito, kapag ang lalaki ay uminom ay ayos lang para sa iba, pero kapag ang babae na ang uminom ay maling-mali na iyon para sa kanila. Kahit konti pa iyon, basta uminom ang babae ay malaki na itong pagkakamali.

“Oo,” tumango si Hannah roon sa pulis.

“Gaano karami ba ang nainom mo?” tanong noong pulis kahit wala naman iyong kinalaman sa kung ano man ang nangyayari sa kanila.

“Isang bote ng beer,” sagot ni Hannah kahit na inis pa siya roon sa pulis.

Alam ni Hannah na hindi siya pinaniniwalaan noong pulis sa sinabi niya. Akala ni Hannah ay magiging testigo si Liane sa pangyayari pero nataon naman noong nasa ibabaw siya noong batang lalaki ay biglang nag-text si Liane na kailangan niyang bumalik sa ospital dahil may pasyente na raw ito, isang matandang babae.

Wala nang nagawa si Hannah kung hindi magpaliwanag na lang doon sa pulis.

“Hindi nga ako lasing, hindi ko pinagsamantalahan ang batang lalaki na iyan kahit alam kong lasing siya,” pagtatanggol niya sa kanyang sarili.

Tumingin kay Erick ang pulis at tinanong itong maigi.

“Totoo bang hinawakan ka niya? Iho, ang lahat ng hindi nagsasabi ng totoo ay malalagot sa batas. Alam mo naman siguro iyan.”

“Oo naman, sigurado ako,” pagmamatigas ni Erick doon sa pulis.

Dahil sa inis ni Hannah ay hindi na siya nakapagtimpi. Tumayo na siya at akmang sasampalin si Erick, pero bago pa niya nagawa iyon ay biglang may dumating.

“Ate? Ate, nandito ka!” masayang sabi ni Erick.

Titingin pa lang sana si Hannah sa ate ni Erick at magpapaliwanag kung ano ang tunay na nangyari pero nagulat siya nang makita na may pamilyar na mukhang kasama ‘yong ate ni Erick. Nagandahan naman si Hannah ate ni Erick dahil isa itong kilalang model, si Jane. Kilala siya ni Hannah dahil iniidolo niya ito noon pa.

“Erick, ano bang nangyari sa’yo?’ tanong ni Jane sa kanyang kapatid.

Hindi sumagot si Erick, mas tinuon niya ang pansin kay Jared.

“Kuya Jared, ang aking bayaw! Nandito ka!”

Nanigas sa kanyang pagkakatayo si Jared dahil sa sinabi ni Erick sa kanya. Kita ang takot sa mga mata ni Jared pero lumamig ang mga tingin nito nang si Hannah na ang kausap niya.

“Hannah, sabihin mo nga. Ano ba talaga ang nangyari?”

“Bayaw, kilala mo ba siya? Loko-loko ‘yang babae na iyan eh. Kung saan-saan ako hinawakan!” sabi ni Erick kahit wala naman iyong katotohanan.

Dahil sa kanyang narinig mula kay Erick ay napatingin na lang si Hannah kay Jared. Ilang oras palang silang nagkahiwalay sa isa’t isa pero bayaw na agad siya ng ibang tao. Naisip ni Hannah na kaya pala bigla na lang siyang iniwan sa ere ni Jared ay para sa babaeng ito.

“Hannah, ako pala si Janw. Kapatid ako ni Erick,” nakangiting sabi noong babae, nagulat si Hannah dahil kilala siya noong babae.

E, sino ba naman kasi ang hindi makakakilala sa kanya? Matagal na siyang sunud-sunuran kay Jared kaya agad siyang makikilala ng mga taong nasa paligid ng lalaking pinakamamahal niya.

Pero, alam ni Hannah na kahit kailan ay hindi naman nag-krus ang landas nila. Ang huling nabalitaan niya kay Jane ay naaksidente ito kasama ang asawa niya. Akala nga ni Hannah e namatay si Jane dahil sa aksidente, hindi pala.

“Aksidente ko siyang nabangga kanina pero hindi ko naman ginawa ‘yong mga sinasabi niya kanina. Maniwala ka sa akin,” sabi ni Hannah.

“Alam ko, naniniwala ako sa’yo. Minsan talaga ay kung anu-anong ginagawa nitong kapatid ko,” sagot ni Jane kay Hannah.

Nagulat na lang si Hannah nang biglang lumapit si Jane kay Erick at sinampal ito, dalawang beses pa nga. Nagpaliwanag ito sa mga pulis at sinabi naman ng mga pulis na kailangan nila ng CCTV video para mapatunayan nila na hindi talaga nagsisinungaling si Hannah.

“Kung kilala niyo naman pala ang isa’t isa, maigi pa ay magkaroon tayo ng kasunduan dahil kung hindi ay makukulong ang batang ito rito dahil sa pagsisinungaling sa aming mga pulis,” sabi noong pulis.

Habang kinakausap sila ng  pulis ay napansin ni Hannah na kakaiba ang mga hawak at tingin ni Jane kay Jared. Kilala ni Hannah si Jared, kahit kailan ay hindi ito payag sa kahit na sinong humawak sa kanya ng ganoon. Pero kay Jane, wala siyang reklamo. Doon pa lang ay alam na ni Hannah na may kakaibang namamagitan sa dalawa.

Magsasalita sana si Hannah pero agad siyang pinigilan ni Jared.

“Maliit na problema lang ito. Kalimutan mo na,” sabi ni Jared pagkatapos ay hinawakan si Hannahh sa kamay para umalis sila.

Grabe ang pagkakahawak ni Jared sa kanya, umabot na nga sa puntong sumasakit na ang kamay ni Hannah. Dahil sa mga ginawa ni Jared ay halatang-halata na nagseselos siya, pero hindi makapaniwala si Hannah. Bakit naman kasi niya pagseselosan ang isang bata?

“Hannah, dahil ba sa mga salita ko kaya ginagawa mo ito? Gumaganti ka ba sa akin, ha?” galit na sabi ni Jared.

“Ha? Hindi ko naman talaga ginawa-“ hindi na natapos ang sagot ni Hannah dahil sumagot agad si Jared sa kanya.

“Saan mo siya hinawakan? Hinawakan mo ba talaga siya?” kita na sa mga mata ni Jared ang galit na kanyang nararamdaman.

Dahil sa sinabi ni Jared, kahit paano ay natuwa si Hannah. Nalaman kasi niya na may paki pa rin pala si Jared kapag may hinahawakang iba si Hannah. Hindi naman kasi ito maaapektuhan nang ganoon kung wala lang ito sa kanya.

“No,” sagot ni Hannah.

Habang magkausap sina Jared at Hannah ay biglang lumabas si Erick. Tinawag niya si Hannah sa mayabang na paraan kaya nagulat ‘yong dalawa.

“Huy, babae! Bakit mo kinakausap ang bayaw ko?!” sigaw niya kay Hannah.

Napailing na lang si Hannah. Hindi naman kasi niya inaaway si Erick pero ‘yong batang lalaki na iyon ang away nang away sa kanya. Napatigil na lang sila nang maglakad na si Jane malapit sa kanila. Naalala na naman niya kung paano hinawakan ni Jane si Jared, dahil doon ay hinawakan ni Hannah si Jared sa braso pero ramdam niya na ayaw ni Jared ‘yon.

“Kung anu-ano na naman ang pinagsasabi mo,” sabi ni Jane sa kapatid.

“Wala kang pakialam,” sagot naman ni Erick.