Kabanata 36

“Maya, gising. May naghahanap sa’yo.”

Dahan-dahang iminulat ni Maya ang kaniyang mga mata habang kinukusot ito. Napahikab siya at napatingin sa orasan na nakadikit sa dingding. “Mrs. Nirvana, nandiyan na po pala kayo. Ang aga niyo pong pumunta rito,” aniya habang patuloy ang paghikab.

“Mamaya pa nga sana akong 9 A.M. pupunta rito kaso may isang makulit na lalaking hindi ako tinantanan hangga’t hindi ko siya dinadala rito.” Pungay pa ang mga mata ni Nirvana. Halatang inaantok pa siya. Late na kasi siya nakatulog kagabi tapos binulabog na agad siya ng alas kuwatro ng madaling araw ng lalaking iyon! Five thirty na ng dumating siya sa chapel.

Nilingon ni Maya si Hope. Mahimbing pa itong natutulog. Inayos niya ang kumot nito at nilagyan ng unan ang magkabila nitong side. “Sino naman pong walang magawa sa buhay ang nanggising sa inyo ng ganitong kaaga?” tanong niya.

“Iyon na nga ang ikinakainis ko, Maya. Hindi niya sabihin kung ano ang pangalan niya.” Naghikab si Nirvana. “Bumaba ka na roon