Kabanata 40

“Mommy, where are we going? It’s too early!” Nagtalukbong ng kumot si April pero agad din iyong inalis ng kaniyang ina.

“Bumangon ka na at mag-ayos! Libing ngayon ng anak ni Maya. We need to go there,” ani Angelita.

Napilitang bumangon si April pero papikit-pikit pa rin ang kaniyang mga mata. “Mommy, naman! Ayokong makita ang pagmumukha ng bruhang ‘yon. Ikaw na lang ang pumunta. Matutulog na lang ako rito maghapon.”

“Sige. Sabi mo eh. Oo nga pala. May nakapagsabi sa akin na kanina pang umalis ang asawa mo at base sa gps tracker ko, malapit lang siya sa chapel kung saan nakaburol ang anak ni Maya. Aalis na ako. Bahala ka na rito sa bah—”

“Wait, mommy! Hintayin mo ako. Sasama na ako sa'yo,” ani April sabay takbo patungo sa kinaroroonan ng shower room.

Umupo si Angelita sa malambot na kama ng kaniyang anak. “Basta pagdating kay Warren, mabilis pa sa alas kuwatro kumilos itong si April. Hay. Pag-ibig nga naman, nakakab0b0 at nakakabulag. Habang naghihintay siya sa kaniyang anak ay napatin