Kabanata 41

“Brandon, nasaan ka?” tanong ni Gavin habang panay ang tingin niya sa kaniyang relo.

[“Narito po sa villa. Bakit po?”]

“I will send you my location. Use my big bike and come here as fast as you can. I need to go somewhere,” Gavin replied.

[“Sige po, Sir Gavin. Magbibihis lang po a—”]

“Mamaya ka na magbihis pagbalik niyo riyan sa villa. I'm running out of time.” Mula sa rearview mirror ay tiningnan niya ang kaniyang dalawang anak. Parehong mahimbing na natutulog ang mga ito. Marahil ay napagod ang mga ito o ‘di kaya naman ay dahil sa maaga ang mga itong nagising kanina. Dali-dali niyang ipinadala ang kaniyang lokasyon kay Brandon sa pamamagitan ng messengerr.

[“Natanggap ko na po ang lokasyon niyo, Sir Gavin. Papunta na po ako ngayon.”]

“Sige. Salamat. Mag-iingat ka,” ani Gavin sabay patay ng tawag. Huminga siya nang malalim. “Manang Elvira, kayo na muna po ang bahala sa mga anak ko. Kung may mapansin man kayong mali sa ginagawa nila, pakisuway na lang po. Kayo po ang nagpalaki sa akin