Kabanata 35

“Daddy, good morning!” masiglang bati ni Bia habang naglalakad palapit sa dining area.

Ngumiti si Gavin. “Good morning, Bia. Halika, saluhan mo si daddy.” Pinaupo niya si Bia sa kaniyang tabi.

“Morning, daddy!” malungkot na bati ni Hivo.

Nawala ang ngiti ni Gavin nang makita niyang matamlay ang kaniyang anak na lalaki. “Good morning? Bakit ka nakasimangot? Ang aga-aga gan’yan ang mukha mo. Sige ka mababawasan ang kaguwapuhan mo,” pabirong sabi niya.

Umupo si Hivo sa tapat ni Gavin. Pinapaupo siya nito sa tabi nito pero hindi siya tumabi rito. Hindi pa rin maipinta ang mukha niya.

“Hivo, bakit ka sad? Hindi ba dapat masaya ka ngayon kasi kasabay nating kakain ng breakfast si daddy?” tanong ni Bia. Ipinaghahanda na siya ng pagkain ng isa sa kanilang mga katulong.

“It’s our first breakfast together, Hivo. Hindi ka ba masayang kasabay mo na si daddy sa pagkain?” nakangiting tanong ni Gavin.

“He has a fever,” Avva said while walking down the stairs.

Agad na kumunot ang noo ni Gavin nang ma