Kabanata 6

Magpapahinga lang sana sa araw na iyon si Almirah ngunit nang imbitahin siya ni Lazarus sa kaarawan ng asawa ng kapatid nito ay pumayag na siya lalo pa at may bayad naman ito.

Simpleng dinner lang naman daw iyon kaya hindi kailangang sobrang pormal na ang suotin. Ang mga magulang, kapatid at asawa lang nito naman ang naroon.

Hindi na rin naman iyon ang unang pagkakataong makakasama siya sa gan'ong mga pagtitipon kaya hindi na siya gaanong kinakabahan.

Alas sais ang dinner pero alas tres pa lang nang sunduin siya ni Lazarus sa kaniyang apartment. Bibili pa raw kasi sila ng regalo kaya kailangang maaga. Sa bahay na lang din ni Lazarus siya magbibihis para diretso na lang sila sa bahay ng kaniyang kapatid pagkatapos.

Nagkausap na rin naman sila ni Marah— ang asawa ng kapatid ni Lazarus noon at nasabi nitong mahilig siyang magbasa ng mga libro kaya iyon ang napili niyang iregalo rito. Hindi nga lang niya alam kung ano ang paborito nitong genre at kung sino ang paborito nitong manunula