Chapter 83- Hindi kaya ang dahilan kung bakit niya ako pinakasalan kaagad ay dahil nakikita niya si mama sa akin?

“MITHI!” Sigaw ni Shamcey at nagmamadaling pumasok sa loob. Nakita niya si Mithi na nakaupo sa sofa habang ang mga pictures ay nasa harapan at nakakalat pa sa mesa.

“Mithi, magpapaliwanag ako. Kasi, noong nakita ko ang mga litratong yan, inakala ko e baka kilala ka ni Kallahan noon pa. Pero naisip ko rin kasi na baka nagkataon lang lahat. Kaya ko pina-photocopy ang mga pictures dahil plinano kong ipakita sayo ang mga pictures na yan pero nagbago ang isip ko ng makita ko kung gaano ka kasaya sa piling niya.” Sunod sunod ang sinabi ni Shamcey, hinihingal. Nag-alala siya ng husto na baka magtampo si Mithi sa kaniya.

“Saka kasi, naisip ko na walang halaga ang nakaraan dahil nakikita kong masaya ka ngayon sa piling ni Kallahan kaya hindi ko na lang pinakita. Natatakot akong magcause pa yan ng conflict sa inyo. Ayaw kong makasira ng isang magandang relasyon.”

Napahilamos si Mithi sa mukha niya gamit ang kaniyang mga kamay.

"Naalala mo pa ba iyong kwento ko sa'yo? Iyong tungkol sa lola ni