Chapter 239- Alam mo?

Binilad ni Don Anton si Connor sa labas ng bahay kahit na sobrang init. Pinagpush-up niya doon ng limangdaan kaya tagaktak ang pawis nito ng matapos.

Lumapit si Connor sa pinsan niya at kinuha ang tubig na hawak ni Kallahan.

“Tapos na lo.”

Tumango ang Don. Ngayon niya sasabihin kay Connor ang tungkol sa ama niya. Naghahanap lang siya ng tamang pagkakataon.

"May problema ba lo?" tanong ni Kallahan nang mapansin na parang hindi ito mapakali.

"May tanong ako kay Connor. Gusto mo bang makilala ang ama mo, hijo?"

Natigilan si Connor sa pag-inom ng tubig at tumingin sa lolo niya.

"Kilala niyo sino ang ama niya, lo?" tanong ni Kallahan.

Uminom si Connor ulit ng tubig bago siya umapo sa sahig at humiga. “Hindi na po kailangan lo. Ayos naman na ako na wala siya.”

“Pero hinanap ka niya. Pumunta siya dito at hinanap ka niya.”

Walang expression ang mukha ni Connor. Nakatingin lang siya sa kisame.

Kumunot ang noo ni Don Anton sa nakikita niyang expression. “Bakit hindi ka man lang nagulat? Alam mo