Chapter 1

"Pssst! Chubby Bunny!"

Muntik akong mabulunan ng kinakain kong turon pagkarinig ng tawanan ng mga kaedaran kong wala na naman magawa kundi ang e-bully ako.

Ano ngayon kung chubby bunny? At least cute tsaka nag-aaral, e sila? Mga dakilang tambay at palamunin?

"Chabelita!" Sigaw ni Cynthia, feeling astigin dilaw naman ang ngipin. Pabida pa itong nakipag-apir sa mga kaibigan niya kaya nagtawanan ang mga ito.

Magtooth brush ka kaya muna Cynthia para naman pumuti yang ngipin mo?  Ang aga-agang tumambay mukhang wala pang mga mumog.

"Masarap ba yang talaba mo Myra? Baka nangangamoy na yan ah?"

Baka nga mas mabaho pa ang hininga niya sa talabang benta ko. Fresh from the farm to uy!

Pero sa halip na sumagot sa kanila pinili kong tumahimik. Deadma! Wala akong narinig! Tse ninyong lahat! Kung dati umuuwi akong luhaan sa bahay, ngayon, wala na akong pakialam. 

Maliit pa lang ako mabilog na talaga ang katawan ko. Marami  daw ang naku-cute-an sa akin dati sabi ni nanay pero ngayon naging bashers ko na. Mga bitter! 

Nadala ko na medyo extra ang size ko hanggang sa nagdalaga ako. Hindi naman as in extra, super duper majubis, keri lang naman. In-short chubby ako pero may kurba naman yong katawan ko.

Hindi ako masyadong kagandahan, hindi rin naman kapangitan, nasa average level lang pero para kina nanay at tatay ako ang pinaka maganda.Syempre ako ang one and only princess nila. Mother knows best kaya kahit majubis ako naniniwala akong pretty na rin ako. 

Tuwid ang mahaba at kulay itim kung buhok, na minsan bumubuhaghag dahil hindi naman ako mahilig magsuklay. Maputi ang kulay ng balat ko na namana ko kay nanay. May salamin ako sa mata kaya hindi masyadong napapansin ang asul na kulay nito na namana ko kay tatay at medyo may kakapalan ang kilay ko dahil hindi ko naman ito pinapabunot. 

I'm not the type of student namahilig magpaganda. Masuklay ko lang ang buhok ko at malagyan ko lang ng tawas ang kili-kili ko pagkatapos maligo ayos na sa akin. I invest more in my brain. Pero hindi din naman ako against doon sa mga mahilig magpaganda, it's just that hindi ko forte yun.

Nag-iisang anak lang ako kaya wala akong kahati sa pagkain. May maliit na tindahan si nanay at pinili ni tatay na maging isang mangingisda dahil sa pagmahahal niya kay nanay. May maliit kaming sakayang pandagat na ginagamit ni tatay kapag pumapalaot siya. Meron din kaming maliit na farm ng tahong at talaba. Doon ko kinukuha ang mga nilalako ko. 

Hindi naman talaga kailangan na maglako ako, minsan lang kapag naghaharvest si tatay. Gusto ko lang magbenta kasi ang pinagbentahan ko ay akin na. Pandagdag sa allowance ko kapag bumalik na ang klase.

I'm incoming second year BS Biology student, maaga akong nag-aral kaya kahit 17 palang, magse-second year college na ako. This is the course I took up in preparation for my med-school. I want to become a doctor. Yun kasi ang pangarap ng tatay ko pero hindi niya natupad dahil maaga silang nag-asawa ni nanay. 

Actually, pangarap kong maging engineer pero dahil mahal ko si tatay at nanay, ako na lang ang magtutuloy ng pangarap nila kahit hindi naman nila ako dinidiktahan kung anong gusto nila para sa akin.

"Feeling maganda si taba!"

O hindi pa pala tapos? Kala ko yun na yun.

Hindi ko sila pinansin, mabilis kong inubos ang turon kahit magkanda paso-paso na ang dila ko sa init. Kailangan kong malampasan ang mga 'to habang hindi pa sumasanib ang masamang ispiritu sa akin. Ayokong magtransform at baka magalusan pa ang beautiful, flawless skin ko kapag nakipag-away na naman ako. Ayaw pa naman ni nanay na umuuwi ako galing sa pakikipag-away.

Sanay na ako sa kanila at kaya ko ring ipagtanggol ang aking sarili. Bahalang magalusan basta makalaban lang yan ang motto ko,  pero dahil sabi ni nanay at tatay hayaan nalang kaya umiiwas ako. 

"Myra Chabelita, the pig in the isla." hirit ulit ni Cynthia. 

Huminto ako saglit para tingnan sila. Tinaasan ako ng kilay ni Cynthia, susupalpalin ko sana pero wag na, they are not worthy of my time and energy.  So instead, I smiled at them, showing them my braces. Wapakels kung sasabihan nilang may bakod ang ngipin ko. Strict ang parents ko e, kaya pati ngipin pinabakuran. Ano ngayon?

Kumpara kay Cynthia, mas maganda naman ako kahit medyo bilog ang katawan. Tsaka ano naman ngayon kung chabelita ako? At least matalino. Skolar! Consistent honor student at pambato ng Isla Aurora National High School dati sa mga contest.

I am the youngest valedictorian of Isla Aurora National High school and I was the only student who got 100% in the college admission exam sa university na pinapasukan ko ngayon.

"Kung ano-ano lang siguro pinapasok niyan sa bunganga kaya ganyan kataba."

Ang tagal naman maka-move on ng mga 'to.

Anong magagawa ko madaming pagkain sa bahay? Isa pa ayaw ni nanay at tatay na nagugutom ako. Kasalanan ko ba kung binibilhan ako ng pagkain ng mga magulang ko?

"Myra tabs!"

Oo alam ako! Ano ngayon kung mataba? Hihingi ka? Asa ka! Ilang taon ko ding pinag-ipunan tong baby fats ko uy!

"Myra taba! Piggy oink-oink!"

Lakasan niyo pa. Louder! Louder!

May problema ba sa pagiging mataba ko? Pagkain niyo ba kinakain ko? Masama ba maging mataba? Lahat na lang dito sa lugar namin may issue e. Kung piggy oink-oink ako, kayo mga kulang sa nutrisyon!

"Baka sa sobrang katabaan niyan maaga yan magka- highblood."

Anong high-blood? Heller?! Araw-araw akong nag-eexercise ano? Itong paglalako ko ng talaba at tahong exercise ko na din to. Najo-jogging din ako at nagsi-swimming. Hindi kagaya niyo maaga pa lang nagtsi-chismisan na.

"Walang lalaking magkakagusto dyan, mataba na nga mukha pang gusgusin. Nagmana sa nanay niyang losyang."

Ang ganda kaya ng nanay ko. Inggit lang kayo! Kahit naman hindi mamahalin ang mga damit namin malinis naman ito. Inggit lang sila kay nanay kasi kahit pagsama-samahin ang pagmumukha nilang lahat taob sila sa mala beauty queen na ganda ng nanay ko.

Isa pa wala akong pake kung walang magkakagusto sa akin. Una sa lahat, gusto ko pang maging doktora kaya wala akong time sa mga lovelife-lovelife na yan. Ayokong maging katulad sa mga kaedaran kong maaga pa lang nabuntis. May pangarap ako sa buhay. Gusto ko pang matulungan ang mga magulang ko. Magto-tour around the world pa kami ni nanay at tatay.

"Wala nang pag-asang pumayat yan si Myra, kakatapos nga lang kumain ng turon, ayan siopao na naman."

Lintek naman oh? Ano bang pakialam ninyo kung gusto ko pang kumain ng siopao e sa nagugutom ako e?

Kapag ako talaga pumayat. Who you kayong lahat sa akin!

Pero paano ba ako papayat kung lahat ng pagkain na dumadaan sa paningin ko ay nagha-heart-heart yung mata ko? Gaya na lang nitong siopao, dapat pasalubong ko itong tatlo kay nanay at tatay e, pero nilantakan ko na yung isa. Ang sabi ko pa kanina, limang turon lang ang kakainin ko pero yong mga alaga ko sa tiyan biglang nagwelga, nagsisisigaw ng siopao! siopao!

Paano ba ako magda-diet? Kung sa lahat ng pagkain, marupok ako?

Food is life! 

Ang sarap kaya kumain. And I need to eat, hindi gagana ang utak ko kung walang laman ang aking tiyan. 

"Myra ano yang dala mo?" Tawag ni Aling Salome sa akin pagkatapos kong malagpasan ang grupo nina Cynthia. 

Ayoko sanang tumigil sa kumpulan nila pero bilang respeto at pinalaki din naman ako ni nanay at tatay na marunong gumalang sa kapwa lalo na sa mga matatanda kahit hindi naman kagalang-galang, huminto parin ako sa tapat nila at nagkunwaring hindi narinig lahat ng sinabi nila sa akin kanina.

"Talaba na lang po, naubos na ang tahong dun sa unahan?" Magalang kong sagot. Pinakita ko ang tatlong nakasupot na talaba sa loob ng timba na dala ko.

"Akin na yang isang supot." Sabi ni ni Aling Estring.

"Ako din, isa." Saad ni Aling Salome."

"Dalawahin niyo na po, para maubos na itong paninda ko. Fresh po yan, 'sing fresh niyo Aling Salome." nakangiti kong offer sa huling supot sa kanya. Syempre dapat friendly pa din tayo para maubos ang tinda.

"Kuuu ikaw talagang bata ka, apaka honest mo talaga."

Muntik pa akong mabulunan ng sarili kong laway. O diba, ang daling maniwala ni Aling Salome. Pero hayaan na, atleast may pakinabang din naman pala ang pagiging chismosa nila.

"Ilang taon ka na Myra?"

Natigil ako. Related ba sa pagtitinda ng talaba ang edad ko? Pero syempre dahil magalang akong bata, sumagot pa rin ako.

"Seventeen po." malawak na ngiti kong sagot. Plastikan lang.

"May boyfriend ka na? Ay sabagay sa laki mo yang bihira na ang magkakagusto sayo. Sa panahon ngayon mas pipiliin ng lalaki ang mga sexy."

Wow kung maka-sexy naman tong si Aling Estring.

"Yong si Estrella ko, madaming nagkakagusto dun, habulin ng mga manliligaw."

Share mo lang po?

"Hindi makaka-relate tong si Myra---"

"Mauna na po ako Aling Salome, Aling Estring, madami pa kasi akong mas mahalagang gagawin sa bahay kesa magpaligaw eh." putol ko sa kanya. Nakita ko pa ang pag-ismid ni Aling Estring pero hindi ko na pinansin.

Anong nakaka-proud doon sa mga manliligaw ni Estrella na puro mga tambay? 

"Nga pala Aling Estring paki sabi sa anak mong si Estong tigilan na kakabigay sa akin ng siopao. Hindi ko nakakain kasi hindi masarap, baka daga ang sahog nun kasi pangit ng lasa."

Yun lang at nagmamadali na akong umalis sa kumpulan nila. Pakanta-kanta pa ako habang papauwi ng bahay.

Binilang ko ang perang kinita ko, bawas ang limang turon, tatlong siopao, at dalawang malaking baso ng  buko juice kanina. Dapat malaki ang maipon kong allowance para madami akong pambiling pagkain sa pasukan. 

Ano na naman kaya ang pwede kong ilako bukas? Kakanin kaya? Summer ngayon tiyak marami akong maibebenta.Lalo na kung doon ako sa isla aurora beach resort. For sure madaming mga dayo ang pupunta dito ngayon bakasyon. Pero Kumakain ba ang mga mayayaman ng kakanin? 

"Ay putek!"gulat kong sabi ng biglang may sumerbato sa likuran ko. Ang lawak-lawak ng kalsada talagang sa dadaanan ko pa talaga? Natapon pa ang timba na dala ko at feeling ko lalabas ang puso ko sa aking dibdib sa labis na pagkagulat.

 Mabilis na bumaba ang isang lalaki sa itim na sasakyan. "M-miss sorry, are you hurt?" 

Hindi ako nakagalaw agad dahil pinulot ko pa ang timba na tumapon dahil sa gulat ko. Hinawakan niya ang braso ko tiningnan kung may galos ba pero agad akong umiling. Marahan ko siyang tinulak dahil parang bigla akong napaso sa hawak niya.

"Paano ako magiging okay kung muntik mo na akong masagasaan? Ang lawak ng daan o. Paano kung nasagasaan mo ako? Paano kung namatay ako, edi iiyak yong nanay at tatay ko? Gusto mo ipapupulis kita?" gusto kong sabihin sa kanya pero iba ang lumabas sa aking bibig.

Nakahawak lang ako sa aking dibdib  at dama ko ang mabilis na tibok ng aking puso. 

"Ayos lang next time, mag-ingat kayo sa pagmamaneho." yun lang ang nasabi ko dahil tinraydor ako ng sarili kong utak, for the first time.

I was about to go pero biglang may sumigaw na babae kaya napalingon ako.

"Babe, let's go." tawag sa kanya nung babaeng nasa front seat. Nakataas pa ang kilay niya sa akin. She looks familiar to me, hindi ko lang matandaan kung saan ko siya nakita. 

"Are you sure you're okay? " tumango ako. Ayokong makipag-usap ng matagal dahil naiilang ako sa paraan ng pagtitig niya sa akin. "I can bring you to the hospital."

"Ayos lang, nagulat lang ako. Sige, mauna na ako."

"Saan ka pupunta, ihahatid kita?"

"Babe! Come here! Let's go." muling sigaw nung babae.

Dahil hindi sumagot ang lalaki, m*****a itong bumaba ng sasakyan nila. Pabalibag pa nitong sinara ang pintuan.

"What's wrong here babe?" saad nung babae sabay kawit ng braso niya sa braso nung lalaki na akala mo naman ay aagawin ko sa kanya. 

"Mauna na ak--"

 "What's your problem, Miss chubby?" nakakalokong tanong nito at pinasadahan pa ako ng tingin mula ulo hanggang paa.

"Kriza, stop." saway nung lalaki sa kanya. 

"Why babe, she's mataba naman talaga." maarte nitong sabi may kabuntot pa itong tawa. "And it's not your fault why she's almost hit, kasalanan niya kasi haharang-harang siya sa daan. Akala mo kung sinong may-ari nitong island." 

Kung sabihin ko sayong kami ang may-ari nito baka mapahiya ka? 

"And if ever naman na nabundol mo yan baka siya pa ang magbabayad sa atin, look at her body sa laki niyan, baka mayupi pa ang car kung na-hit mo siya. O baka naman modus niya lang yan para magka-pera, kunwari nasagasaan."

There I reached my limit.

Mabilis na umigkas ang kamao ko at isang iglap lang may tinamaan na ito. Pero sa bilis ng pangyayari ibang mukha ang aking natamaan dahil mabilis din palang  humarang ang lalaki kaya siya sa kanya tumama ang kamao ko.

"Ouch!" Malakas niyang daing. Pagtingin ko sa kanya may dugo na ang ilong niya. Nagpanic ang babae at umiyak susuntukin ko din sana ito pero mabilis itong nagtago sa likod ng lalaki. 

"How dare you! Ipapu-pulis kita!"

"Go on! Do you think I'm scared?" I spatted. Humakbang ako palapit sa kanya pero mabilis itong sumiksik sa likod ng boyfriend niya. Nakita ko pa ang gulat sa mukha niya ng sumagot ako. 

" You insulted me first. You should have apologized to me 'coz your boyfriend  almost hit me. But what you did? You belittled me, bullied me. Sino ka para insultuhin ako? Dayo lang kayo dito ah. Matuto kayong sumunod sa batas dito."

"Almost lang, hindi ka naman natamaan."

"Ay gago ka pala e. Halika dito, suntukan na lang tayo o di kaya itapon kita dun sa sasakyan niyo. Prove natin yong sinasabi mong mayuyupi ang car niyo. Ano!? Gago to!" 

Wala na akong pakialam kung madami ang nakatingin sa amin. Malapit na pala kami sa bukana ng isla aurora beach resort, ang resort na tanging mga nakakaluwag-luwag sa buhay lang ang nakaka-afford.

"It's your fault, kung nakatingin ka sa road hindi mangyayari to."

"Kriza stop, go back to the car."

"No! I will sue her, she hit you. This fat gerbil need to be punished."

"Para sayo ang kamao ko dahil m*****a ka. Halika ka dito para matikman mo." malakas kong sigaw sa kanya. Maraming napatingin sa amin dahil malapit kami sa bukana ng resort. Nakita ko pa ang pinsan ko pero wala akong pakialam.

"Wag mong maliitin kaming mga taga-isla dahil pwede kitang e-reklamo para hindi na kayo makabalik dito. Maayos akong nakipag-usap sa nobyo mo kahit kayo ang may kasalanan pero ininsulto mo ako."

"I'm sorry for the trouble, Miss." hinging paumanhin nung lalaki.  Hindi ako sumagot dahil bigla akong nakadama ng inis sa kanya. Kung hindi siya humarang e di sana hindi siya ang nasuntok ko. Pa-hero!

"Let's go Kriza." saad niya sabay hila sa kamay ng babae na ayaw pang sumunod. 

"Hindi pa tayo tapos. I'll see you soon." matalim ang mga matang saad nito sa akin.

"Whatever!" irap ko sa kanya. "Next time, wag kang masyadong mayabang Miss dahil hindi ka kagandahan. Hindi sa lahat ng panahon kayo ang tama. At next time na manglait ka sa katabaan ko siguraduhin mo munang pantay ang pagkalagay ng foundation sa mukha mo at pantay ang pagkaguhit ng kilay mo ha?"

_____________________________________

Ingat po kayong lahat. God bless po!