DAYS WITHOUT HIM

DARK POV:

Sa aming dalawa, alam kong si Logan ang higit na nasasaktan. Nauunawaan ko yon dahil wala siya dito kung maayos sila ni Frey kahit man lang bilang magkaibigan. Pero hindi ko mapapalampas ang kabastusan niya pagdating sa puntong damay na ang lahat ng kapatid ko at hindi lang ang lantad na eskandalo ng nanay ko.

Hindi yon kailanman magiging patas kung marangal na laban ang pag uusapan. Aminado akong ginamit ko ang yaman ko para manghimasok sa buhay niya---gaya ng ginawa niya laban sa akin---pero hindi ko kailanman inugali na budburan ng asin ang sugat ng kaaway ko malibang mauna sila.

Para saan ang kapangyarihan ko kung hindi ko ipagtatanggol ang sarili ko at ang pamilya ko?

Wala siyang kuwentang kausap kaya tumayo na ako at umalis doon.

Iniwan ko siya sa loob ng bar na nakatulos sa kinatatayuan at hindi humihinga sa matinding galit.

Halos hindi ko rin alam kung paano ako nakabalik sa sasakyan ko at may nabangga pa akong tao paglabas ko ng pintuan.

Ibinalibag ko a