HIS NIGHTMARE

DARK POV:

"Oh, really?" Nag-reverse si Sky nang pagkaka-cross ng mga hita at sarkastikong huminga. Pinag-krus ang mga kamay sa tapat ng dibdib. "Alam mo, yong mga taong minamaliit ang mga kaaway nila, namamatay sa kamay ng mga yon nang walang kalaban-laban. Ang dami kong sinabi sa yo kanina bago kita pinatulog pero lahat yon binalewala mo lang." Pinakatitigan niya ako, humihilig ang katawan sa malambot na sofa. "Sa tingin mo, sa haba ng panahong nasa tabi lang ni Logan si Frey, at walang ginagawa para sa nararamdaman niya para dito---purong pagmamahal at paggalang yon?"

"Ano ba ang ibig mong sabihin?"

"There's a bigger picture behind those minor details, of course."

"Deretsuhin mo na lang ako."

"Alam ni Logan na nasa bakuran ni Anna si Frey."

Alam ko rin naman yon. Wala ng pamilya si Frey pero may mga tao sa likod niya na higit pa sa tunay na kadugo ang kayang gawin para sa kanya.

Hindi ko makakalimutan ang babala ni Maxi sa club bago ibigay sa akin ang sasakyan. Na kung iisipin,