50. TLBAHM

[Amelia]

KUMIKINANG ang mga mata na humarap siya sa nobyo ng maramdaman ang yakap nito sa likuran niya.

"Akala ko ba libro ang narito? Ikaw ha, namimihasa ka na. Wala ka ng ginawa kundi pakiligin ako." Ang layo nito sa Damon na una n'yang nakilala.

"Masanay ka na, dahil pakikiligin kita hanggang sa pagtanda natin." Hinaplos ni Damon ang pisngi niya at tumingin ng puno ng pagmamahal sa kanya. "Palagi ko namang sinasabi sayo, di'ba? Hindi ako magsasawa na iparamdam sa'yo kung gaano ka kahalaga sa akin."

Tumingkayad siya at hinalikan ang nobyo sa labi. "Thank you for that, babe." Aniya.

Sumilay ang pilyong ngiti sa labi nito. "Sabay na tayong maligo—"

"Tse!" Aniya sabay irap. "Mahirap kang kasabay maligo, Damon! Inaabot tayo ng oras!"

Kumalat ang malakas na halakhak nito sa kwarto dahil sa sinabi niya.

Pagkatapos magbihis ay agad na pinatuyo niya ang buhok gamit ang blower. Hindi na siya naglagay ng lipstick sa labi, tanging polbo lang. Sigurado kasi siya na hahalikan siya ni Damon hangg