51. TLBAHM

[Amelia]

KANINA pa nakaalis si Damon. Siya naman ay patuloy sa pagbabasa ng mga librong binili nito para sa kanya.

Tumayo siya at ibinagsak ang libro. Mabuti pa na umalis siya para bumili ng regalo para sa kapatid. Bakit ba hindi niya naisip na isang businessman ang nobyo niya? Marami itong inaasikaso at malamang ba busy ito.

Mabilis siyang naligo at nag ayos. "Aling Marta, aalis lang po ako. May bibilhin lang." Paalam niya sa bagong kasambahay na pumalit sa kanya.

"Ma'am —"

"Aling Marta naman, sabi ko naman sa inyo, di'ba na Amelia lang ang itawag niyo sa akin?"

Napakamot ang matanda sa ulo. "Pasensya na po, Ma'am — Amelia pala. Nakakahiya naman po kase."

"Aling Marta naman, Amelia nga ang tawag mo sa'kin, pero nag-Po ka naman." Napailing siya. Mabait si Aling Marta. Kung si Miss Neil ay mukhang instrikta, ito naman ay hindi. Kapag wala siyang ginagawa ay palagi din siyang tumutulong dito para matapos agad nito ang gawain. Mabagal na rin kasi ang kilos nito dala ng katandaan.

Hindi n