55. TLBAHM

[Amelia]

NAPATIGIL siya sa paglakad ng harangin siya ng isa sa mga driver ni Damon.

"Ma'am, hindi ho kayo pwedeng umalis ng hindi ko kayo hinahatid. Iyon ho ang bilin ni Sir." Ani ng matanda. Sumenyas pa ito sa mga guard na huwag siyang pagbuksan ng tarangkahan.

"Magta-taxi nalang ako." Giit niya. Kapag nagpapahatid kasi siya ay pakiramdam niya ay nagpapabigat lang siya sa mga trabaho ng mga driver ni Damon.

"Ma'am, pasensya ka na ho. Pero trabaho namin ang ipag-drive ka saan ka man magpunta. Kami ho ang pagagalitan ni Sir sa oras na hayaan ka uli namin na umalis mag isa." Magalang na ani ng matanda.

Napabuga siya ng hangin bago sumakay ng kotse. Mas mabuti na ito kesa ang pagalitan ito ni Damon. Alam naman niya na takot pa rin ang karamihan ng tauhan ng binata rito. Hindi na nakapagtataka ang bagay na 'yon. Nakakatakot naman talaga ito.

Pero noon iyon at hindi na ngayon.

Pagkarating nila sa building na pag aari ni Damon ay agad na bumaba siya ng kotse. "Manong, huwag mo na akong hint