61. TLBAHM

[Amelia]

GUTOM na gutom siya, kaya agad n'yang nilantakan ang binigay ni Miss Neil na sandwich. Katulad ni Miss Neil ay nakatingin din sa kanya si Aling Martha ng may awa sa mata.

"Pumasok ka muna at maligo, Amelia. Aba, ang baho mo na." Hindi mapigilang sabi ni Miss Neil.

Hinila niya pabalik ang kamay ng hawakan siya ng matanda sa kamay. "Ayoko po, Miss Neil, baka mamaya ay magalit si Damon sa inyo at madamay kayo sa galit niya sa akin."

"Naku, Neil, ilang beses ko ng sinabihan 'yang si Amelia na pumasok pero ang tigas ng ulo." Ani ni Aling Martha.

"Paano ka kakausapin ni Sir kung ang baho mo?" Napayuko nalang siya ng ulo sa sinabi nito. "Tayo na."

Wala siyang nagawa ng hilahin siya ni Miss Neil papasok, pero hindi pa man siya nakakapasok ng makaramdam siya ng pagkirot ng tiyan at matinding pagkahilo.

Huminto siya sa paghakbang at humawak siya sa tiyan. "M-Masakit..." D***g niya bago bumagsak ang katawan.

"Diyos ko!" Naibulalas ni Aling Martha.

Boses ng dalawang matanda ang narinig