66. TLBAHM

[Amelia]

IMPOSIBLE!!!

Iyon ang pilit na sinasaksak niya sa isip niya. Ano naman ang gagawin ng lalaking 'yon sa tapat ng salon niya? Magpapaayos ng ugali—este ng buhok?

Umiling-iling siya.

Nagkataon lang 'yon, sigurado siya. Naalala niya ang mukha nito. Limang taon na ang lumipas pero wala itong pagbabago. sobrang gwapo pa rin—

Malakas n'yang kinutusan ang sarili—napatingin tuloy sa kanya ang mga costumers ng salon. Akala siguro ay nababaliw na siya dahil kanina pa niya kausap ang sarili niya.

'Gwapo? Really, Amelia?' Kastigo ng utak niya.

Gwapo nga—ubod naman ng sama ng ugali!

Hiling niya na sana ay huwag na silang magkita pang dalawa. Hindi niya masikmura na makita pa ang mukha ng lalaking 'yon—sarap hampasin ng blower sa mukha.

"Ate!"

Agad na tumayo siya ng makita si Amon, lumuhod siya para pantayan ito at niyakap ito. Katulad ng palagi n'yang ginagawa ay pinugpog niya ng halik sa mukha at leeg ang paslit.

"Ate, tingin mo kamay ko!" Itinaas ni Amon ang kamay at pinakita sa kanya an