69. TLBAHM

[Amelia]

"DON'T you dare!" Malakas niya itong itinulak sa kanya palayo at idinuro ang dibdib nito. "Stay out of our lives at sana ito na ang huling pagkikita natin!"

Tumaas ang sulok ng labi nito. "Huling pagkikita? Hindi ba kaya ka narito ay dahil para makiusap sa akin?"

Natigilan siya.

"Makiusap sa'yo? Ano bang pinagsasabi mo?" Mahina siyang natawa, pero agad na napatigil ng ma-realized ang sinabi nito.

Oo, nagpunta siya rito para makiusap sa nakabili ng lupa ni Aling Lucia—

Unti-unting nanlaki ang kanyang mata.

"Don't tell me..." No! Umiling-iling siya. Puno ng katanungan ang utak niya.

Binili ba ni Damon ang lupa ni Aling Lucia dahil gusto nitong mahirapan siya? Sila ng pamilya niya?

Hinawakan ni Damon ang mukha niya at ini-angat. "Yes, babe. Magsisimula ngayon ang bangungot mo... at sisiguraduhin ko na hinding-hindi ka makakaalis sa bangungot na 'to."

"ANAK, ayos ka lang ba?"

Napukaw siya sa malalim na iniisip ng marinig ang boses ng nanay niya.

Agad na tumango siya at pilit