71. TLBAHM

[Amelia]

Sa mesa ay magkakaharap silang lahat. Ang nanay niya, si Arjo, si Andy, si Alex, si Amy, at siya.

At silang anim ay parehong mga tulala. Maging ang mga ito pala ay hindi alam kung saan galing ang mga laruan.

Eh, kung pagsasamahin lahat ng presyo ng mga laruan ba pinadala sa bahay nila ay tiyak na makakabili sila ng bahay!

"Anak, hindi kaya padala ito no'ng manyakis na nakabili nitong lote?"

"Manyakis?!" Magkapanabay na tanong ng apat n'yang kapatid.

"Shh. Hinaan niyo nga ang boses niyo. Baka marinig kayo ni Amon." Sita niya sa mga ito.

Kinuwento niya sa mga 'to ang tungkol sa balak n'yang pagpunta sa matanda.

"Ate, baka naman mapahamak ka." Ani Arjo.

"Oo nga, Ate." Segunda ni Andy. "Hindi naman magbibigay 'yon ng walang kapalit, di'ba?"

Nanlamig tuloy ang katawan niya sa sinabi ni Andy. Pinagpawisan din siya ng malamig.

Mabilis siyang tumayo at niligpit ang lahat ng laruan.

"Nay! Si Ate, kuha niya mga new toys ko!" Umiiyak na sumbong ni Amon sa nanay niya.

Naaawa man siya