57. TLBAHM

[Amelia]

HINDI na niya kaya!

Nagmamadali siyang magbihis at bumaba ng kwarto. Mababaliw siya kung hindi niya pupuntahan si Damon.

"Amelia, saan ang punta mo, iha?" Tanong ni Aling Marta ng makita siya.

"Pupuntahan ko lang po si Damon, Aling Marta." Sagot niya bago nagmamadaling lumabas.

Habang sakay ng kotse na minamaneho ng driver ni Damon ay panay ang buntong hininga niya.

Hindi niya alam kung tama ba 'tong ginagawa niya. Dahil ba bata pa siya at bagong pasok sa relasyon kaya ganito ang nararamdaman niya? Kinakain siya ng selos?

Tama... Selos ang tawag dito.

Pagkarating ay agad na bumaba siya ng kotse. Natigilan siya at bahagyang nabigla. Paano ay nakita niya ang babae na pasakay ng kotse—

Kotse ni Damon!

Dahil nakatalikod sa gawi niya si Damon ay hindi siya nakita nito. Pero si Cassandra ay sigurado siyang nakita siya.

Gumuhit ang nang aasar na ngiti sa labi ni Cassandra habang nakatingin sa kanya.

Katulad no'ng nakaraan ay hindi niya magawang gumalaw sa kinatatayuan. Nakaalis nal