46. TLBAHM

[Amelia]

"BABE?" Untag ni Damon sa kanya.

Agad na ngumiti siya at pilit na inalis sa isip ang mapait at masakit na mga alaala kaugnay sa tatay niya.

Maang na tumingin siya kay Damon ng makita ang singsing na sinuot nito sa daliri niya.

"P-Papakasalan mo na agad ako?" Tanong niya ng may hindi makapaniwala na ekspresyon sa mukha.

Natawa ng malakas si Damon. "Bakit gusto mo ba?"

Namula siya. Iniwas niya ang tingin at saka ngumuso. Malay ba niya na inaalok na pala siya ng kasal nito, at hindi lang niya narinig dahil lumilipad ang isip niya.

"This ring is a symbol of my undying love for you, Amelia. Binili ko 'yan dahil sabi ni Pearl ay sigurado na magugustuhan mo 'yan." Dinala ni Damon ang kamay niya sa labi nito. Hinalikan nito ang likod ng palad niya. "Date natin 'to pero bakit parang ang layo ng iniisip mo?"

Nag iwas siya ng tingin. Kung dati ay walang emosyon ang kulay itim na mata nito, ngayon ay hindi na.

May halo ba itong pagmamahal.

Wala siyang nagawa kundi tingnan si Damon sa ma