43. TLBAHM

[Amelia]

PAREHO sila ng kalagayan.

Mahal niya ang amo niya pero hindi siya mahal. Mahal siya ni Nelson pero hindi naman niya ito mahal.

Kung pwede lang turuan ang puso ay gagawin niya. Syempre do'n siya sa lalaking mahal siya at hindi siya sasaktan, pero hindi natuturuan ang puso.

Pumasok siya sa kwarto at do'n pinakawalan ang luha niya. Dati palagi niyang sinasabi na hindi siya magmamahal ng maaga dahil ayaw niya magaya sa nanay niya.

Nagmahal ng maaga at maling lalaki ang pinili.

Pero heto siya ngayon. Nagmahal ng maling lalaki....

Sabagay, kung mamahalin din siya ng amo niya ay maling babae din siya para rito.

Umiyak siya ng umiyak hanggang sa makatulog siya.

Dumilat siya. Ramdam niya ang panlalagkit ng mukha niya dahil sa luha. Kumukulo ang tiyan niya dahil sa gutom. Hindi pa nga pala siya kumakain. Alas dyis na ng gabi.

Humihikab na tumayo siya at nagpunta sa kusina. Natigilan siya ng mapansin na may bawas na ang mga niluto niya.

Ibig sabihin ay kumain ang amo niya? Akalq niya ay