SURPRISED

Chapter 33

Kalahating araw lang ang pasok namin sa school ngunit hindi pumasok si Jinx. Hindi rin naman niya sinasagot ang text ko kung bakit. Naisip kong baka nga naghahanda para sa JS nila mamayang hapon. Bago ako umuwi ay nakita ko kung gaano kaganda ang bulwagan na paggaganapan nila ng JS. May dance floor na napapalibutan ng maraming mesa na uupuan ng mga dadalong mag-aaral para sa JS. May mga naglalagay ng mga bulaklak. Nagmumukha itong parang nasa isip kong bulwagan na pagsasayawan ng Prince Charming at favorite kong Disney Princess na si Cinderella. Napabuntong-hininga ako. Nakaramdaman ako ng inggit pero hanggang pangarap lang naman kaming walang kakayanan na dumalo sa mga ganoon.

Pag-uwi ko sa bahay ay naroon si Nanang na nakahiga sa duyan at nakikinig ng panradyong drama sa silong ng malaking puno ng mangga sa harap ng bahay.

“Oh dumating ka na pala anak. Magpalit ka na para makakain na tayo ha?”

“Opo Nang. Kumain na ho ba kayo?”

“Hindi pa kasi hinihintay kita. Ang tatang m