TEMPTATION

CHAPTER 36

Lahat ay nagkakasiyahan na sa gabing iyon. Alam kong hindi alam ng aming mga teachers na may nakahalong alak sa aming mga inumin. Walang gustong mag-report dahil lahat ay nag-eenjoy. Ngunit mababanaag sa mukha ang pamumula. May mga nalasing na. Hindi mapigil ang ilan sa pagsasayaw. May mga nasuka. Dahil doon ay pinatigil ng aming Principal ang aming kasiyahan. Tinapos ang gabi na hinubad ko ang sapatos ko at tumakbo kami ni Jinx papunta sa kanyang sasakyan dahil nagkakaroon na raw ng imbestgasyon kung bakit nagka-gano’n.

Dahil tipsy, pakiramdam ko mas nagiging wild na kami ni Jinx. Kung saan niya ako dadalhin wala akong pakialam. Tama si Nanang, nalasing ako ng kaligayahan ng gabing iyon. Nalula ako sa binigay nitong kaibahan at hindi ko na kontrolado pa ang aking nararamdaman. Sumusunod na lang ako kay Jinx sa kanyang lahat ng gustong gawin. Naging alila ako ng pagtitiwala sa kanya. Dahil nakainom, handa na ang loob ko sa kahit anong mangyari sa pagitan naming dalawa.

Nang