ADMITTED

Chapter 60

Lumabas si Nanang sa bahay. Kinuha ko ang sandaling iyon para kunin ang alahas ko sa bulsa ni Tatang. Inilagay ko sa lumang malalaking karton ang aking mga damit. Umiiyak akong hinugasan ang aking sarili. Sinalat-salat ko ang aking tiyan. Tinignan ko ang batya na duguan na ginamit ni Nanang na hugasan ang pagitan ng aking hita. Alam kong wala nang buhay pa sa aking sinapupunan. Namatay ang magiging anak sana namin ni Jinx dahil sa kalupitan sa akin ng mundo. Humahagulgol akong nagdasal.

Nang nakaayos na ako ay umupo ako sa hagdanan. Naghihintay ako sa pagbabalik ni Nanang. Kagaya ng paghhintay niya sa akin noon kapag ginabi ako ng uwi. Hanggang sa makita ko siyang kasama ang aming Kapitan at ilang mga tanod. Kumalat ang balita na napatay ng disgrasiyada kong ina ang lasinggero at adik niyang asawa. Dumami ang mga tao. Pinagkaguluhan kami ng buong baryo. Maraming espekulasyon ngunit alam ko ang buong katotohanan. Naroon lang ako. Tahimik lang na nagmamasid at tuluyang ipinau