Chapter 106

BITBIT ang isang preskong bugkos ng mga puting rosas at malaking teddy care ay huminga muna nang malalim si Audric. Nag-uunahan sa malakas na tibok ang puso niya. Hanggang ngayon hindi niya pa rin kayang ihakbang ang papa papunta sa puntod ng anak. Hanggang ilang dipa lang siya. Parang may isang malakas na kuryente ang humahatak sa kaniya papalayo kaya hindi niya magawang makalapit o baka ang konsensya niya lang ito. Dahil alam mismo ni Audric na wala sa ganitong lugar sana ang kaniyang anak kung hindi sa kaniya. Ilang beses na attempt na ba ang ginawa niya pero magpahanggang ngayon, hindi niya magawa-gawa.

Kinalma saglit ni Audric ang puso. Humigpit din ang pagkakahawak niya sa teddy bear at bulaklak. Hindi na siya tatalikod pa at takbuhan papalayo ang katotohanan. Hinihintay siya ni Gabriella. Hinihintay siya ng anak niya.

Makulimlim ang ulap nang hapon na iyon. Alas-dos pa lang ng hapon pero para na itong alas-singko. Isang linggo na rin ang panay ulan sa Pinas. Sa umaga, malakas