Chapter 113

Pinangko ni Ffion saglit ang kaniyang buhok bago siya nagsimulang maghalungkat ng manok sa fridge. Naggayak din siya ng mga sangkap. Kumuha rin siya ng isang medium carrots at celery stalks at hiniwa ang mga iyon na naayon sa kaniyang panlasa.

Nakakainis! Pero nagpatuloy siya sa paghahanda. Imbes na matulog at magpahinga ay heto siya, inaasikaso ang ex-husband niyang may sakit!

After 50 minutes, natapos siya. Wala sa loob na napangiti si Ffion nang maglagay siya sa isang serving bowl para lang matigilan. Bakit siya ngumiti? Mabilis niyang pinilig ang ulo. Hindi siya dapat ngumiti dahil wala naman dahilan para gawin niya ito.

Pakakainin niya lang si Audric at kapag okay na ito ay pwede na itong lumayas at mawala sa unit niya. Disturbo lang ito sa buhay niya!

Dala niya ang tray na may umuusok pa na chicken soup, isang kutsara at isang basong tubig nung bumalik siya sa silid kung saan nagpapahinga ngayon ang lalaki.

Nakita niyang nakapikit ang mga mata nito kaya napilitan siyang ilagay s