Chapter 116

"Hi."

Nakaramdam siya ng konsensya nang makita si Lucas na matamang naghihintay sa kaniya sa labas ng kaniyang Unit. Kimi siyang ngumiti nang salubungin siya nito at binigyan ng halik sa pisngi.

"Kanina ka pa ba? Bakit hindi ka pumasok? I gave you the duplicate key, right?"

Tumango ito. "I think, more than 2 hours of waiting." Saka ito natawa. "It's okay, Ffiona. Ilang taon nga nakaya kong hintayin. Itong oras lang ba hindi?"

Nakagat niya ang labi. Bakit sobrang understanding ni Lucas? Nakapa niya ang puso. Lucas holds a special place in her heart. Gusto niya ang lalaki at panahon na lang ang makakapagsabi para sa kanilang dalawa.

"I'm sorry I made you wait."

"Silly." Inakbayan siya nito at ito na ang nagbukas ng pintuan gamit ang duplicate key. "Nakapantulog ka pa. Saan ka ba galing?"

Bigla siyang naging alinlangan. Sasabihin ba niya? Napahugot siya ng hangin. Well, yes.

"Doon ako galing sa bahay ni Audric."

Biglang tumigil ang kamay nito sa pagpihit ng doorknob at tumingin sa kaniya