Chapter 120

Masakit ang ulo nang magising si Ffion pero wala siyang makita. Napasinghap siya, ‘Teka!’ Biglang naalarma ang kaniyang utak. ‘Bakit wala akong nakikita? Bulag ba ako ulit?!’ Gusto niyang kapain ang mata pero hindi niya magawang igalaw ang kamay. Doon lang niya napansin na nakaupo siya sa isang kahoy na silya at nakagapos ang dalawang kamay niya sa likuran. Mahigpit iyon at pakiramdam ni Ffion, mababali yata ang kamay niya mula sa pagkakagapos!

‘P-paano ako napunta rito? Bakit may nakatabing sa mukha ko? Hindi ako makapagsalita! Am I dead? Pero bakit—’ natigilan siya nung maalalang may dumukot nga pala sa kaniya nung nasa sementeryo na siya.

‘Pero saan nila ako dinala? One thing I know, is I'm not dead yet. Dahil kung patay na ako, hindi ko mararamdaman ang sakit ng ulo at katawan ko.’ Nagpalingon-lingon siya. Wala talaga siyang makita na kahit katiting na ilaw man lang o liwanag.

Nahihirapan na din siyang huminga. Parang sinasakal ang kaniyang leeg o masyado lang siyang nagpapanic ng