Chapter 112

Kaya sa gabing iyon, hindi makatulog si Ffion. Pabaling-baling ang kaniyang ulo at halos baliktarin niya na ang sarili para makatulog lang. Kausap na rin niya si Lucas at bakit hindi siya yata masaya na nakabalik na ito?

Sinampal niya ang sarili saka napabangon. Napatitig siya sa kawalan. Ang lakas ng impact ng anak ni Audric sa kaniya! Si Ace. Ang batang iyon, ang batang iyon na tinangay agad ang kaniyang puso.

Nakagat niya ang labi. Dapat siya magalit pero bakit hindi niya kayang magalit sa inosenteng bata? Oo, nawala sa kaniya si Gabriella pero hindi yata mabuti kung isasama niya ang anak ni Ivony at Audric sa galit niya.

Bumaba siya sa kama at tinungo ang kusina. Inayos niya ang ternong pantulog na pajama. Magtitimpa siya ng gatas at baka sakaling makatulog siya.

Hawak-hawak ang baso ng gatas nang marinig niyang may nag-door bell. Kumunot ang kaniyang noo, wala siyang bisita sa ganitong oras ng gabi pero sa isiping baka si Lucas ito, kaya nagmamadaling tinungo niya ang pintuan at