Chapter 111

TULALANG nakaupo si Ffion sa isang restaurant nang araw na iyon malapit sa salamin dingding nang mapansin niya ang isang bata. Tingin niya ay nasa edad dalawa o tatlo ito. Hindi siya sigurado. Napatitig siya sa bata. Nasa isang crib ito, kasama ang isang nurse, at isang yaya base na rin sa suot ng mga ito. Nagsimula itong umiyak at tila may kung anong humaplos sa puso niya habang nakamasid sa bata. Kung hindi lang sana nawala ang anak niyang si Gabriella, kasama sana niya ito ngayon.

"Here's your order, Ma'm."

Napatingin siya sa waiter na nagdala ng kaniyang inorder na pagkain. Ngumiti siya at nagpasalamat saka ito umalis.

Sinimulan niyang kainin ang steak na inorder at muling napatingin sa batang lalaki.

Umiiyak na ito at kinarga ng yaya habang sandaling umalis ang nurse na parang may hinahanap. Pinapatahan ito ng yaya habang ang umiiyak naman ito. Parang may hinahanap. Habang ang mga tao na nasa mall na iyon ay napapatingin sa batang umiiyak.

Pinilig niya ang ulo, nag-focus sa pagka