Chapter 63

Mabilis lumipas ang oras sa research institute, bago pa man matanto ni Klaire, inabot na sila ng gabi sa paggawa ng mga bagong perfume formula. Nang sa wakas ay matapos ay nakahinga siya nang maluwag at kinusot ang kaniyang mga mata.

Ramdam niya ang pagod sa buong maghapon. Nananakit na rin ang kaniyang balikat at batok. She stretched her arms and craned her neck a bit.

Hindi nagtagal ay nagpalit na rin siya ng damit. Kailangan pa niyang balikan si Alejandro para palitan ang dressing ng sugat nito.

“Klaire, tara! Sabay na tayo umuwi,” yaya sa kaniya ni Annie na paalis na ng lab.

“You can go ahead, Annie. May pupuntahan pa ako,” sagot niya at nginitian ang kaibigan.

“Oh, okay. Kaya pala bihis na bihis ka,” natatawang komento ni Annie. “Client ba?”

Napairap si Klaire dahil sa gawi ng paninitig sa kaniya ni Annie. Tila ba nanunukso pa ito.

“Yes, client. Mag-ingat ka pag-uwi. See you tomorrow!”

“See you. Ingat ka sa client mo,” nakangiting sabi ni Annie at saka kinindatan siya bago