Chapter 133

Mariing nagtatagis ang bagang ni Klaire habang pinagmamasdan ang mga gulat na ekspresyon sa mga mukha ng mga De Guzman. Ilang saglit pa ay binaba niya ang kaniyang phone at nagtaas ng kilay.

“I think I made myself clear,” aniya sa malamig na boses at saka tinalikuran ang mga ito para aluin ang kaniyang Lola Sonya na kasalukuyang umiiyak dahil sa sobrang stress dahil sa sitwasyon. “Lola, tahan na po. Huwag na po kayong mag-alala, ha? Ako na pong bahala. Magpahinga lang po kayo.”

“I’m so sorry, apo…”

Marahang ngumiti si Klaire at saka kinintilan ng halik ang noo ng matanda. “It’s alright, La. This isn’t your fault. Basta magpahinga ka at magpalakas, okay?”

Tumango ang matanda at saka hinayaan siyang kumutan ito.

Hindi na nagawa pang makipaggulo ng mga De Guzman. Dahil na rin sa pag-iyak ni Sonya De Guzman ay pinili na lamang nilang lumabas ng ward. Samantala, dumating din ang abogadong tinawagan ni Alejandro sa ospital upang ipaliwanag kay Klaire ang mga gagawing hakbang para tuluya