Chapter 132

“Tama na po, Lolo…”

Nanginginig sa galit si Klaire, pero hindi niya hinayaang kainin siya ng kaniyang emosyon.

Kahit kailan talaga ay pera lang ang mahalaga sa mga magulang niya. Matatanda na ang grandparents niya, pero ni hindi man lang magawa ng mga ito mag-alala sa kalagayan ng dalawang matanda at mas inuuna pang trabahuhin ang shares!

Huminga siya nang malalim. “Huwag po kayong mag-alala. No one can take away what you and Lola Sonya want to give to me.”

“I have said it before, hija. Kaya ka naming bigyan ni Alejandro ng magaling na mga abogado na magha-handle ng bagay na ito.”

Matalim ang tingin ni Klaire nang balingan si Lander, ang kuya niya. “Fine, Don Armando. I really need your legal team’s help this time para maproseso na ang share transfer.”

“Ali, tawagan mo ngayon din ang abogado natin!”

Nanlalaki ang mga mata ng mga De Guzman nang balingan ng mga ito ng tingin si Alejandro. Sa puso ni Sophia, gusto niyang pakiusapan si Alejandro na huwag pumanig kay Klaire, ngunit alam