Chapter 128

Hindi nakapagsalita si Alejandro. Ramdam niya ang takot ni Klaire sa mga oras na ‘to; nanginginig ang katawan at mabibigat ang paghinga. He could only hug the woman who was leaning against her. Hindi niya alam kung ano ang nangyari pero hindi niya mapapalagpas kung sakaling may foul play na naganap upang makulong ang dati niyang asawa sa comfort room.

Kagat ni Klaire ang kaniyang ibabang labi, pikit ang mata habang sinusubukang pakalmahin ang buong katawan niya. Hinayaan niya si Alejandro na aluin ang likod niya. She felt it was one thing she needed at that moment.

“M-Mabuti na lang ay nandito ka,” bulong niya na narinig naman ni Alejandro. “I thought I would have to spend a night in the dark…”

May kung anong parte sa loob ni Alejandro na gustong saktan ang gumawa nito kay Klaire, pero kinalma niya ang sarili lalo pa’t halata pa rin ang takot sa dati niyang asawa.

“It’s okay. I’m already here…” aniya sa marahang boses, at nagpatuloy sa pag-alu sa likod ni Klaire upang mapakalma ito.