Chapter 117

Kahit kailan ay hindi nakita ni Klaire ang pagsusumamo sa mga mata ni Alejandro noong kasal pa sila. Ngayon lamang niya nakita ang emosyon na ‘to sa lalaki, dahilan para bumilis ang tibok ng kaniyang puso.

Ngunit agad niyang kinastigo ang sariling damdamin. Tumingin siya kay Sophia na halata ang pagkagulat sa eksenang nakikita, kaya naman hindi niya napigilan na ngitian ito.

“Okay, I won’t go,” kalmado niyang sabi at saka bumaling sa lalaki. Dahan-dahan niyang inalis ang kamay nito na nakahawak sa kaniyang braso. She didn’t let go of his hand, instead, she squeezed it to assure him. “Huwag kang mag-alala, Mr. Fuentabella. Kung magkaroon man ng problema sa trabaho ko rito sa kumpanya mo, ikaw ang una kong sasabihan.”

Namutla si Sophia sa narinig. Ramdam niya ang sakit ng mga mata niya habang pinapanood ang pag-uusap nina Alejandro at Klaire sa harapan niya. Lahat ng mga mata ay nasa dalawa, at wala ni isa ang pumapansin sa kaniya.

Ni hindi man lang nagawa siyang ipagtanggol ng mismo